茶餐廳手記（#141）新加坡私人住宅租金暴漲

　　今早去到茶餐廳，見到一個客人從新加坡回流，老闆多口問點解，客人話租金升得太犀利，佢的租約到期，業主加租30 ％，仲話低於租金上升比率，新加坡私人住宅租金去年上升了33%，有不少老闆要補貼員工租金，亦有不少年輕人要搬返屋企同父母住，老實說，租金咁樣升，大通漲應該好快嚟，而且政府好快就會出租管，所以，佢都回流返嚟，其實在新加坡與香港做嘢都差唔多，但新加坡生活費用實在太高，差唔多等於趕客，可能這是新加坡政府的目的，如果唔夠資格就唔好在新加坡生活。

　　新加坡私人住宅狂飆其實是房屋政策出現問題，政府對買第二個單位收租的新加坡人要收重稅，攪到冇人買樓收租，又有咁多人去新加坡搵食，租金點會狂飆，香港也有同樣問題，相信結果都是與新架坡一樣。