English
地產博客
瀏覽人次：14742    回應：7
敢說亮話

茶餐廳亂話（1691）執屍執出禍

 

湯文亮博士

紀惠集團行政總裁
2022年12月28日

　　今早去到茶餐廳，老闆問我有冇經常去蘭桂坊，有冇在蘭桂坊溝女，我叫老闆唔好講到我咁英明神武，以前都會去蘭桂坊，不過不是溝女，而是去應酬我啲租客，老實說，是去埋單，不過，的確有人在蘭桂坊溝女，玩下一夜情，但我冇興趣。

　　大家都知道近兩日有兩個三、四十歲男人在蘭桂坊執屍，即是帶走飲到不醒人事，甚至斷片女人，但今次大鑊，那兩位有正當職業的男人被那位女士告強姦，那位女士當時是斷片，離開時沒有斷，知道去了那一間賓館，而賓館又有閉路電視，今次真係執屍執出禍。
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。
回應者名稱
密碼
1. 引刀一快 2022-12-28 10:02:09
正當職業唔等於正經人，執屍本來就係下流無恥嘅犯罪行為，仲要兩個一齊去執，即係輪姦。
兩個人渣斷正，可憐嘅係個女人。
2. 引刀一快 2022-12-28 10:07:05
如果個女人飲死咗，唔知會點判法，所以，算兩條人渣好彩。
3. 自我陶醉 2022-12-28 11:24:38
引刀兄

可能我思想比較傳統，我覺得一個女人，自己去酒吧飲到一坺泥咁，都唔荒係咩正經人家。
4. 引刀一快 2022-12-28 13:34:30
自我陶醉兄


唔正經嘅女人，只係個人不莊重，不檢點，或者唔惜身，佢有權唔尊重佢自己，但係唔表示別人有資格唔尊重佢。
5. 樓 NO 2022-12-29 02:21:40
哈哈 終於唔食咖喱，唔食炸魚薯條；去老蘭飲吓嘢。
6. 搶錢 2022-12-29 09:48:05
“佢有權唔尊重佢自己，但係唔表示別人有資格唔尊重佢”

對。是兩個不同觀念。即是，有人將錢周圍放當眼地方，沒有好好看管，但看到錢的人沒有經當事人同意，是沒有權去拿人家的錢，是強盜行為！
7. 好好保管 2022-12-29 09:53:35
等於銀行密碼。有人沒有專重保護好自己的私隱，將自己銀行密碼周圍告訴別人，其他人知道他的銀行戶口密碼，也沒有權去取他的錢。