今早天氣清涼，跑完步之後去到茶餐廳，聽到有一個很少出現的客人正在講樓價下跌，並且講到眉飛色舞，有其他客人提醒佢，老闆有十幾個單位收租，跌一成已經唔見了一個單位，心情已經唔靚，就算希望樓價下跌可以買
樓，說話亦唔需要講得咁盡。
那位客人話自己住政府屋，冇打算買樓，不過，他只是認為樓價太高，希望樓價下跌而已，老實說，在社會上有不知幾多住政府屋，不打算買樓的人希望樓價下跌，其實，他們應該知道，香港可以維持低稅率其中一個主要原因是地產收入龐大，如果樓價下跌，不但賣地收入減少，連帶物業交易印花稅，所得稅亦會減少，最終要提高稅率以及開徵新稅，例如銷售稅等，住政府房屋的人其實是高樓價受惠者，所以，唔打算買樓的人千祈唔好望樓價下跌。
樓，