茶餐廳亂話（1682）輸了錢唔發火才是有牌品

　　今早去到茶餐廳，有客人話昨晚去打麻雀，有一個雀友平時非常好牌品，打完牌之後又幫阿姨收拾，連麻雀會的人打大讚，不過阿姨叫佢唔好做，無論收拾到幾好，阿姨都會將所有用品清潔，但老晚大敗之後，不但在麻雀枱上沒有牌品，打完之後粒聲唔出就走了，老實說，牌品的事，唔係睇贏錢的時候，而是睇輸錢的時候，贏了錢，大多數人都有牌品，但輸了錢才知道那人有冇牌品。

　　日本國家隊在贏了德國隊之後，將更衣室打掃得乾乾淨淨，並且摺了幾隻紙鶴送給工作人員，全世界都有報道，但輸咗比哥斯達黎加之後，報紙沒有報道日本隊有冇打掃更衣室，如果在輸波之後打掃才有說服力，其實，更衣室有工作人員打掃，唔需要日本球員去做，大家各司其職，並不是搶別人的工作就是有風度，這叫做畫蛇添足，並不是有風度。