茶餐廳亂話（1670）退休人士最需要的是尊重

　　今早去到茶餐廳，有已經退休客人非常開心，因為舊公司走了一批骨幹去英國，唔係幾夠人，請他回公司工作，人工唔高，但工作時間浮動，客人話本來唔想返去，但想起幾個月前剛剛退休的時候，想搵一個舊客戶傾計都難，知道什麼是人一走，茶便涼，可能舊老闆同一些客人講他會回公司做顧問，昨日已經有客人話聚舊搵佢食飯，所以，即使人工唔高，都會回公司做顧問。

　　一般公司的退休人士還好，如果是退役軍人，尤其是有軍階的，退休之後變化太大，沒有權勢，不受其他人尊重，很容易給不法份子吸納，這根本是社會一個病態，產生問題比一般退休人士大得多，中國政府為了提升軍力，請了不少退役機師做教官，除了受到尊重之外，薪金仲非常優厚，年薪高達24萬英鎊，但英國政府竟然叫停，咁即是剝削那些退役機師尊嚴與收入，甚至會變成一個攞救濟金的人，真係唔明白英國政府點諗。