茶餐廳亂話（1659）打147度比一桿入洞難得多

　　今早去到茶餐廳，老闆話昨日傅家俊真犀利，竟然在決勝局打147度，是傅第五次打147度，問茶餐廳內客人有冇去睇。

　　真係剛剛遇著啱啱，昨日同舊同學行完山之後，大家一齊去睇枱波，睇到傅家俊打147度，嚴格來說，枱波打147度比高爾夫球難得多，因為每盤只有打入第一個紅波才有機會打147度，而且，每一次一桿入洞都可以說是符碌，無人夠膽話自己可以打一桿入洞，但打147度就絕無符碌可言，不少桌球手有時為了打147度反而輸了盤波。

　　講返歷史，香港以前是冇人可以打到147度，因為當時香港人打枱波只是打5個紅波，而不是15個，而且沒有士碌架，我初初打的時候都唔習慣，士碌架是一種樂趣，碌人果個當然開心，但救到波果個仲開心，沒有士碌架，但唔知點解，當時打枱波又叫打士碌架。