茶餐廳亂話（1646）抗疫政策之沒有辦法中辦法

　　今早去到茶餐廳，有客人收到電話，知道有同事確診，客人叫同事在屋企休養，唔好出街，亦唔使返工，直至得返一條線為止，客人同事話冇問題，最怕客人叫佢入隔離營，而事實上香港已經有無數咁多人確診，知道確診之後亦不是那麼大件事，最多只是辛苦一兩天，可以在屋企休息一下便可以。

　　昨日本來大家都祈望政府俾一個日子可以解封，但很失望，一切抗疫政策不變直至10月5日為止，並不是說10月5日解封，可能在10月5日又宣布延長14日，有不少香港人已經採取抗疫最後一步，就是確診之後自我隔離，好返才出街，希望確診數字急速下降，政府可以早日解封，其實，抗疫要做的已經做了，日日戴口罩， 打了疫苗，但仍然確診，但確診之後又唔係太辛苦，唯有自我隔離，我認為不是下策，是冇辦法之中辦法。