今早去到茶餐廳，有客人問我加息是否可以壓通脹，我話這是大塊文章，不但要用很多時間去解釋，而且話係又唔係，話唔係又唔係，真的很困難。
老闆話等佢嘗試解釋一下，譬如有一間茶餐廳生意唔好，而理由有很多，包括出品唔好，招呼唔好，又好狠貴，有人話，要茶餐廳客似雲來是很容易，減價就可以，不少人話，招呼唔好，出品唔好，減價都冇用，不過，如果減價至一兩折，就算出品唔好，招呼唔好，一樣客似雲來，咁樣是否可以代表減價可以令茶餐廳客似雲來，是的，不過茶餐廳就要蝕大本。
加息的確可以壓通脹，加到冇人消費，物價下跌，通脹消失，經濟蕭條，市民生活受苦，加息壓通脹是否算是成功，應該問鮑威爾。
