茶餐廳亂話（1637）賣樓等樓價下跌再入市就是炒

湯文亮博士

紀惠集團行政總裁

2022年9月12日

　　今早去到茶餐廳，有客人話有一個朋友最近賣了自住單位，理由是所有評論員都話樓價會下跌，今年跌8％，明年跌15％，他暫時租樓住，等樓價下跌兩三成之後再入，今次啲樓市炒家輸到眼突，習主席都話，樓是用嚟住，不是用嚟炒。

　　客人的朋友不明白，樓市可以炒向上，亦可以炒向下，雖然樓市沒有證券化，沒有沽空制度，但將自住單位賣走，等樓價下跌再入市就是炒，老實說，大家雖然聽到很多分析員話樓市下跌，但不會聽到他們話將自住單位賣走等入市，他們只是分析樓市會下跌，但唔會賣樓支持自己分析，炒樓市下跌是很危險，因為成本很高，再買返是要付稅以及其他雜項，還有在等候買樓這段時間租金，所以，千祈唔好以為有幾個單位的是炒家，原來有時候冇樓的人才是炒家。

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱

密碼

1. 炒跌淡怨氣最重 2022-09-12 10:57:05

歷來炒跌成功短期賺錢個案唔係冇，不過隨著時間推移那些(醒目仔)將賺到的錢交了幾年租後已所餘無幾，再加上樓價升幅(醒目仔)已不可能再買回同級物業，各討論區咀咒業主最落力的，番查留言紀錄統統係呢類(炒跌淡)。

當然亦有人自稱用當年賣樓的錢全部投入一隻升了好多倍的股票，現在賺到唔使做了，真是恭喜了。