今早去到茶餐廳，老闆做到頭痕，因為茶餐廳有一個現象，如果打風唔使返工，外賣生意特別好，有一個平日很少出現的客人到來，見到我第一句就問，點解我明知樓價下跌，都唔賣走手上一些物業，就算唔賣多，都賣少。
我同那位客人唔熟，當時唔知道他是否同我講，所以沒有回答，老闆以為我唔好意思回答，於是問那位客人，最近是否賣走不少收藏的勞力士，客人反問點解要賣，老闆話，就算不是勞力士迷，都知道勞力士大跌價，客人一定知道，點解唔賣走部分勞力士，任由放在家裡等跌價。
客人話唔賣得，首先是收藏品，賣走未必買得返，而且會被其他人覺得是財困，客人講完之後立刻同我講對唔住，話自己失言。
