茶餐廳內有一個客人，自認有很多朋友，如果他有事，例如財務上有困難，一定會有很多人幫手，老闆每一次都話未必，如果客人唔信，就叫客人問其中一個最口多，又話一定會幫手的朋友借錢，那位朋友不但不會借錢，仲會通知其他人，結果是全部人都唔會借錢比佢，客人唔信，老闆叫客人做一次演習，之後就會信到十足。
今早去到茶餐廳，客人話老闆料事如神，佢都未講哂理由，他的朋友已經閂了後門，理由是老婆唔准，老闆問客人有沒有多謝他的朋友，客人唔明白，那人都沒有借錢，點解要講多謝。老闆話客人的朋友以前亦沒有借錢比佢，只不過講下，但每一次客人都講多謝，以後唔使啦。
客人仍然不同意，那位朋友可能只是其中一個，其他朋友應該唔會，今日他約了三位朋友食早餐，講清楚他不是等錢用，老闆話他的朋友未必會嚟，唔使等他們一起食早餐，結果如老闆所料。
