今早去到茶餐廳，有客人話屋企的大廈大翻新，佢打算將自住單位賣走，就算平少少都賣，否則在翻新開始，一定會很嘈吵，單位可能要降價。
老闆話，以這個理由賣樓，似乎不智，因為大廈大翻新完成，外型煥然一新，單位一定會升值不少，如果怕嘈吵不如與大廈一起裝修，完工之後，大廈又靚，自己單位又靚，點可能唔升值。
有很多人現在賣樓，理由都是睇淡樓市，如果打算移民就冇辦法，否則的話，點解唔等到通關，就算睇唔好樓市的人都知道，在通關之後樓市一定會上升，現在將單位賣走，到時就後悔莫及，不過，現在賣樓的人會話，如果唔賣樓就後悔莫及，總之是見仁見智。
