茶餐廳亂話（1567）有錢佬與靚女的後著

　　今早去到茶餐廳，所有客人都問我昨日有錢佬與靚女的故事是不是真的，當然是真的，好似茶餐廳故事一樣，冇花冇假，不過，故事還未講完。

　　在靚女離開之後，我問有錢佬，真係用一億美元包靚女一個月，有錢佬話冇花冇假，不過，在包養之前，靚女一定要做一份驗身報告，除了冇傳染病，性病之外，亦不能整過容，隆胸等，有錢佬早已知道靚女整過容，隆過胸，一億美元都是講吓，靚女攞唔到。

　　我認識那位靚女，問佢點解咁蠢，明知有錢佬玩佢，都唔識得拒絕，靚女話當然知道，她只不過利用有錢佬，佢對另一位有錢佬講，那位有錢佬用一億美元包佢，被佢拒絕，只願意跟他，這是男人的死穴，多多都俾。

　　你估馬斯克唔知twitter 有虛假賬號，所以咪出咁高價，你又估twitter 唔知馬斯克知twitter 有虛假賬號，接受馬斯克出價只不過是提高twitter 面值，稍後，有很大機會賣俾另一位有錢佬，這就是金錢世界遊戲，我只是略知一二，千祈唔好相信我。