茶餐廳亂話（1352）冇錢就唔好擺酒

　　今早去到茶餐廳，老闆話有一個親戚很麻煩，外表風光，但欠落很多債，但依然有家底，有很多物業收租，但最弊收埋收埋啲租都唔夠日常開支，本來，將一些物業出售以及節約用錢，問題亦不難解決，可惜那位親戚反其道而行，不但外表風光，而且每年仲要擺幾次什麼生日酒，結婚週年酒等等，甚至借錢比人擺酒，搞到自己財政緊絀，不斷要攞物業到銀行加按，有時候要睇銀行家面色，以親戚地位，當然唔開心，其他人都勸佢，冇錢就唔好擺酒。

　　美國昨晚公佈，通脹率到達8.6％，以一個超級大國來說，這是非常失敗，歸根究底是美國要做世界警察，不但在全世設有軍事基地，不時要軍演，仲要打仗，就算自己唔打都借錢比人打，老實說，最浪費的事，以個人來說就是擺酒，以國家來說就是打仗，有很多人積蓄多年，擺一次酒不但用哂所有積蓄，甚至會欠落一身債，一個國家如果窮兵黷武，有金山銀山都死。