今早去到茶餐廳，有客人問老闆在年青時有冇跟過大佬，如果有點解要跟，老闆話，何只年輕時，現在也有跟大佬，至於點解，搵到食咪跟，大佬是物料供應商，幾咁困難，都有貨供應，而且比市價平，最緊要就是大佬從來冇攞著數，這個大佬跟得過。
江湖中，做大佬好慘，因為跟佢的靚仔，全部都是因為搵到食，莫講話搵他們著數，就算搵唔到食都冇人跟。
拜登近日四出開會積極搵靚，但似乎成效不大，原因是美國口惠而實不至，要求各國圍堵中國，開放市場，但自己又閉關，不讓東盟，美洲等國家的貨物免關稅進入美國，所以搵靚的事沒有進展，因為各國知道，得罪中國，不但失去中國市場，甚至要提防中國反擊，就要向美國買軍火，有乜行差踏錯，就會變成烏克蘭，但美國又不能開放國內市場，因為工會一定會大力反對，冇著數俾人，點會有人跟。
