今早去到茶餐廳，有客人問茶餐廳附近街市是不是臨時街市，因為他知道，尖沙咀的臨時街市已經臨了50年，老闆話應該唔係，否則那些商舖的擺設就應該好似雜架攤，不過政府啲嘢很難講，官員們信奉一個假設理論，就是機器冇壞就唔好郁佢。
抗疫第五波，高峰時每日確診人數超過五萬，核酸檢測做唔切，政府接受快測，過了幾個月，確診下降至三五百，做核酸的機構得閒到死，政府仍然接受快測，原來，快測中有20％是虛報，已經拉了三個人，我覺得如果政府不接受快測，那三個人就不會虛報，不會被拉，他們只是鑽政策漏洞，並不是有心虛報，就好似過馬路，有差人一定唔會有人紅燈過馬路。老闆話曾經問過一位初級官員，佢話快測運作正常點解要改，仲笑老闆冇腦。
