茶餐廳亂話（1345）如果沒有俄烏衝突，台海戰爭是有機會的

　　今早去到茶餐廳，有人問台灣客人，是否擔心台海戰爭，客人話以往有些少擔心，但俄烏衝突之後三個月，反而唔擔心，因為台海不會發生衝突，甚至可以話台灣人唔夠膽衝突，因為大家睇到今日烏克蘭情況，不但成個國家散哂，仲有800萬人做了難民，試問點會有一個地區人民想做難民，現在台灣人都等一個時機統一，不過就希望唔好咁快，所以，民進黨下一屆仍然有機會執政，再下一屆就難講。

　　台灣客人又話，其實已經很多台灣女仔嫁了入大陸，尤其是在福建那邊，雙方的生活習慣根本沒有差異，甚至可以用閩南話溝通，但都不是最主要原因，最主要就是台灣夠質素的男仔太少，大學畢業之後只搵兩萬幾台幣，一個人生活都是勉勉強強，點敢結婚，所以台灣人口亦正在下降，不過就沒有日本咁犀利，都係同一句說話，兩岸統一，指日可待。