今早去到茶餐廳，有客人話俾朋友激親，原來客人朋友剛剛將公屋單位賣了，15年前買入價20萬，現在以400萬賣了，期間升幅20倍，嘲笑客人所住的單位只是升幅2倍，今次真係細價樓，真架勢。
老闆話根本是兩件事，冇得比較，就好似有人去攞救濟品，之後將救濟品賣走，獲利100％，然後嘲笑其他人唔識做生意，唔知點解，報紙經常有類似報道。
報紙報道是必須的，不過要深入一些，報道那些賣了公屋單位的人最後結局，有一次，有一個社工話地產界冇關心露宿者，我請那位社工先了解一下露宿者，不少是公屋單位業主，但唔知為了什麼原因將公屋賣了，最初是租同一層樓，其後是劏房，最後要露宿街頭，以後那位社工從不談及這個話題，老闆叫客人唔好激起，根本是兩個層次的人。
