茶餐廳亂話（1341）取消中國關稅不利越南

　　今早去到茶餐廳，老闆話今日早餐有越南法包，問我試唔試，老闆硬銷，冇得唔試，而事實上香港人認識越南菜，只集中在生牛肉河粉，連牛肉七味都唔識，唔係好多人食過越南法包，老闆話，在香港食越南法包比越南好食，因為在越南很難買到鵝肝，做唔到鵝肝醬，會用豬肝代替，越南人在香港做法包就會用真正鵝肝醬，甚至有鵝肝醬回流到越南。

　　有客人問，如果美國取消關稅，那一個國家最受影響，又係越南，美國開徵中國關稅，最大受惠國是越南，但始終做唔好條產業鏈，越南產品沒有降價，美國才不得不撤銷中國關稅，否則就不能解決國內通脹，如果做得好，就會用越南代替中國，你估美國想撤銷，是冇辦法唔撤銷。

　　當美國撤銷中國關稅，越南就會一夜回到解放前，問題是現在越南有很多新工廠，新酒店，亦借落很多錢，如果不能做美國產業鏈，將會受到重大損失，比以往更慘，因為以往沒有欠咁大筆債項。