俄烏衝突仲唔結束，歐盟就會分裂

　　昨日打算去食午飯之前，有客人剛剛離開，打完招呼之後，客人問俄烏衝突幾時結束，我話很快，可能比香港通關仲要快，有兩件事要留意，首先是美國國防部長打電話比俄羅斯部長，雖然奧斯汀話叮囑俄國房部長停戰，但我估計雙方是商討一些停戰條件，其次是美國用一票否決權，扣起拜登答應援助烏克蘭的400億美元，最快要到25號才有機會通過，如果唔通過，俄烏衝突就會結束，原因是澤連斯基是為錢而戰，冇錢唔會打落去，就算通過400億軍援，亦只能夠十日所用，烏克蘭變成一個無底深淵，美國佬是生意人，點會做蝕本生意，一定會諗辦法止蝕。

　　美國冇錢，歐盟就頭痛，澤連斯基一定會逐個call，逐個捉，堂堂一個大國元首，一樣會被鬧到狗血淋頭，老實說，歐盟的國家元首條氣一定唔順，俄烏衝突是你們兩兄弟的事，幫是人情，唔幫是道理，既然幫人幫到被人鬧，歐盟又發揮唔到應有功能，倒不如退出仲有數為，任何一個國家退出歐盟 ，俄烏衝突應該結束。