清零與100分

　　今早返工時見到一個舊同學，佢問我一個尷尬問題，點解我讀小學的成績不佳，中學突飛猛進，是否知恥近乎勇。

　　我話如果不是阿媽改變要求，我中學成績不但不會突飛猛進，甚至畢唔到業，同學唔明白，我讀小學時，阿媽要求除了體育音樂之外，其他科科100分，我見做唔到，索性連書都唔讀，勉勉強強畢業就算數，但到讀中學時，阿媽要求降低，90分就可以，我見可以做得到，便勤力一些讀，大多數科目都可以超額完成，同學話明白。

　　現在大家不停講清零，反而令到抗疫的人失去信心，明知清零是做唔到而放棄，如果將清零改為接近清零，以香港為例，每日100宗或以下確診算是接近清零，政府應考慮解封以及放寛大部份抗疫措施，這或者有可能做得到，在微積分學，零與無限都是遙不可及的事。