兩年後加拿大樓價

　　加拿大在過去兩年，樓價升了50％，有幾個單位的人當然開心，但想唔到加拿大政府在未來兩年禁止外來人士買樓，有加拿大業主同我講，兩年後加拿大樓價將會升到不得了，今次冇死。

　　我同那位業主講，唔好開心得太早，加拿大政府唔係食齋的，禁兩年外來人士買樓只是替自己買時間，在這兩年一定會大量增加供應，兩年後恐怕供過於求，比起今日，唔好講升，可能仲會有一定程度跌幅，購買力是很得意，升的時候就搶，跌的時候劈，加拿大業主當然不同意，佢話就算唔准外人買，加拿大本土購買力足已令樓價繼續上升。

　　加拿大政府一定有統計，知道過去兩年樓市大升，買樓的大多數不是加拿大人，賣樓的是加拿大業主，如果唔禁，愈來愈多加拿大人變成無殼蝸牛，既然買樓的不是加拿大，如果禁止他們買樓，樓價又點會升，我知道那位業主相當冇癮，不過我以事論事而已。