今日中午，有老友請我去龍景軒飲茶，龍蝦餃，鮑魚燒賣，西班牙黑毛豬叉燒，老友出名是孤寒財主，咁嘅陣容，一定有所求。
老友話，佢個仔今年18歲，同佢家姐同學拍拖，今年暑假準備去美國讀書，在去讀書之前，打算先訂婚，問我點樣
拆散他們。
老實說，咁陰質的事，我一定唔會做，知道點做都唔會講出嚟，我於是話，訂婚太隆重，不如雙方家長食飯，請埋我做個見證人，十年之後雙方結婚。如果女方在十年內結婚，男方不得追究，如果男方在十年內結婚，就要對女方道歉兼作出適當賠償，老友傍晚時話女方答應，問我點解可以諗到條咁好計仔，我話學杜牧先出，佢話十年一覺揚州夢，贏得青樓薄幸名，就算十年男方悔約，最多俾對方話薄幸，冇乜咁大件事。
拆散他們。