今早在茶餐廳準備離開時，收到一個朋友短訊，他話有要事商談，十幾分鐘之後，朋友到了茶餐廳，劈頭第一句就問我有冇資產在美國，如果有，擔唔擔心被美國沒收，如果擔心，會不會賣。
這應該不是要事掛，我話在曼克頓有一個2000幾平方尺連天台單位，有小小擔心被美國沒收，但我唔會賣，因為那個單位沒有做按揭，朋友話他亦有物業在美國，但借了很多錢，物業淨值很少，所以唔打算賣，就算被美國政府沒收，損失都是有限。
朋友搞錯了，任何政府會沒收資產，但不會沒收債務，欠銀行啲錢仍然要還，老友話我危言聳聽，我直話直說，好多人唔啱聽，以前車路士班主阿布為例，他已經公開表示出售車路士所得300億捐給烏克蘭，但英國政府仍然要沒收車路士，但車路士所欠的債務，阿布仍然歸還，老友話再要了解一下，走了。
