如果美國撤銷制裁俄羅斯，參與制裁的國家就大鑊了

　　有消息傳出，只要俄羅斯撤出烏克蘭，美國會取消所有制裁，消息唔知真假，又唔知道其他國家會不會跟隨，如果消息屬實，那些急不及待制裁俄羅斯的國家，例如比利時，瑞士，日本，星架坡等就大鑊了，尤其是星架坡，根本唔關佢事，點解要強出頭，唔講大家未必知道，星架坡的填海工程差不多是由俄羅斯一手包辦，唔使反轉豬肚，日本就不用多講，領土問題一定冇得傾。

　　俄羅斯現在開始制定一份反制裁名單，曾經參加制裁俄羅斯的國家要小心了，其實，點解要跟隨美國制裁，地球還有一個聯合國，今次俄羅斯侵入烏克蘭的確唔啱，但跟住美國制裁，與捉了一個小偷下私刑沒有分別，私刑啱唔啱，大家心裡有數，點解唔由聯合國解決，如果嫌聯合國太慢，搞得嚟俄羅斯已經解放烏克蘭，不如將聯合國關閉，大家慳返一些會費。