叫人唔好打針也是一種評論

　　有還未打疫苗的老友確診，辛苦了接近十日，以他的形容，就好似响鬼門關走一趟，我話有冇咁嚴重，根據其他好返的人形容，好似小感冒一樣，唔做檢測都唔知，老友話，唔同人有唔同感受，傳媒只是集中報道那些好似小感冒的確診。

　　我話老友年紀已經唔細，點解唔打疫苗，老友話是袁國勇叫人唔好打，仲話要睇定啲，我記得在2020年5月，袁教授的確叫人唔好打疫苗，但在三個月之後，他已經打了復必泰，如果相信袁教授，就應該去打疫苗，老友話，大多數的人都會相信袁教授第一次所講是真心的，第二次所講是被迫的，有冇打疫苗都冇人知，但如果因為冇打疫苗出事，一定會話袁教授叫人唔好打疫苗。

　　袁教授的處境很多評論員都嘗試過，例如某評論員叫買某一隻股票，即使後來有修改，不但不要買，甚至應該賣走，當那隻股票下跌，就會被人質疑，搞到現在很多評論員都只會說一些模棱兩可的評論，袁教授可能唔知道，叫人唔好打疫苗都是一種評論。