業主應接受財爺暫緩收租建議

　　財政在財政預算案提出，599F章指定物業業主，應該接受租客暫緩交租三個月，如果情況持續，可以在延續三個月，六個月後此計劃自動消失，租客要交回所欠租金。

　　我睇到這個提議，就知道財爺大件事，一定會俾業主媽到飛起，我相信財爺自己亦知道，今晚有不少業主打電話給我，叫我出文反映大部份業主都不接受，我話出文冇問題，但599F的業主大多數有實力，連暫緩收租半年都唔可以，一定會俾人話無良業主，財爺在預算案講得出嚟，應該冇彎轉，倒不如大大方方接受，只此一次，下不為例。

　　我對子姪輩講，租客是業主的衣食父母，幫租客即是幫自己，暫緩收租六個月的確有危機，但在疫情下，連晚市都唔准開，有一些行業甚至不能夠開門做生意，叫租客又有何能力交租，倒不如放他們一條生路，希望疫情在三個月內清零，六個月內生意回復正常，到時候租客可以分期交返所欠租金，一個有機會雙輸的局面變成雙贏，財爺昨晚應該冇得瞓，因為一定會俾人鬧爆。