昨晚食飯前，有老友來電，叫我暫時唔好同孫仔孫女玩，老友話在Omicron 開始的時候，一般青少壯年的人，就算冇打疫苗確診，都好似感冒一樣，令到社會上有不少聲音要求與病毒共存，但現在Omicron 似乎露出真面目，向小朋友以及未打疫苗的長者埋手，今日有三死三危殆，除了四歲小朋友不用打針之外，其他五位都是長者，最多只有兩個打了疫苗，可能只得一個，換句話說，未打疫苗的長者死亡率以及重症的機會率，都大幅高於打了疫苗的長者，由於未打疫苗長者帶有病毒的機會以及質量比打了疫苗的長者為高，在現偕段，那些未打疫苗長者不但唔好同孫仔孫女玩，甚至同枱食飯都唔好。

　　我覺得很諷刺，當日飲食界以老人家要同孫仔孫女食年夜飯為理由，禁止政府實施打了疫苗才可以進入食肆，今日，老人家連在屋企同孫仔孫女食飯都唔可以，希望疫情快些過去，一家人可以同枱食飯。