今日赤口，一個人去行山，之後就會去食近期大熱兩餸或者三餸飯，我估計兩餸飯三餸飯將會大流行，並不是香港人的生活質素差了，而是實在太方便，有市場，質素自然會提高，只要注意一些步驟，食兩餸飯亦可以食得唔錯。
在大型連鎖店未推出之前，首先要搵一些是由一家人經營的小店，因為兩餸飯利錢不高，又辛苦，如果請人做，價錢一定會比較高，而且質素不能保證，家人同心協力，又以此為生計，一定做得唔錯。
兩餸飯亦即是大學Canteen 飯，揀餸亦有先後次序，兩餸最好是一菜一肉，先揀菜，後揀肉，因為肉可以舖在菜上面，掉轉就唔係咁好，如果三餸，就揀多一個炸物，食兩餸飯都可以食得好優雅。
