無論在香港或者在外國，如果要損款 最怕就是同政治扯上關係，台灣遠東集團搞到一鑊粥，不過一鑊粥還一鑊粥，遠東仍然要對民進黨捐款，不過可能是偷偷地進行，唔會大鑼大鼓。
香港也是一樣，不少人經常被人要求作政治捐獻，唔捐當然可以，但以後做事可能冇咁方便，其實，政治捐獻不一定是以金錢作為衡量，有時出席宴會，例如生日派對也可被視為政治捐獻。
在外國生活的中國人，不時被當地政黨作出政治捐獻，很多時唔捐都唔得，現在就好啦，英國政府以間諜罪起訴一位曾經作出政治捐獻的華裔女律師，無論結果如何，在外國的中國人可以用這個案件為藉口，不作出任何政治捐獻，間諜是很大罪，隨時有入冇出，坐足一世監，我估計英國政府今次中了伏，以後唔會有很多人對英國政治人物作出捐獻，受損失似乎是那些政治人物而不是捐款人。
