昨晚食飯時，老婆話有一個死了老公的大媽朋友，最近再拍拖，一班大媽唔知點做，想聽我的意見，真係吹縐一池春水，關你鳥事，不用表態，如果真係要表態，除了講恭喜之外都仍然係講恭喜。
老婆話一班大媽朋友也是同一想法，但似乎社會有不同意見，有一個已經過身金牌監製，他的遺孀最近被人發覺拍拖，報章對她口誅筆伐，令到一班大媽朋友非常迷惘，以為回到了一百年前封建社會，老實說，就算金牌監製未過身，他的老婆拍拖或者偷食，都唔到任何人講，記者有心追尋，爆人私隱當新聞，其實是相當不道德，根本拉低那份報紙的質素，記者就算要報道，都只可以恭喜那位監製的遺孀。
