昨晚天寒地凍，我記得在我細個時，同樣是一個天寒地凍晚上，阿媽見我發神經在屋企讀書，於是叫工人去買雲吞麵做宵夜，工人半小時後回來，佢話去了三間，有兩間已經賣哂，另外一間早幾日與阿媽有爭執，所以唔敢買，阿媽話工人咁蠢的事都會做，爭執還爭執，生意還生意，阿媽打電話過去，對方老闆立刻親自送上即做雲吞麵，化干弋為玉帛。

　　美國佬玩制裁玩到好開心，但那些美國議員真的是不知道，美國唔買新疆產品，唯有向其他國家買價錢貴，品質冇咁好的產品，甚至會出現新疆產品水貨，令到部分美國商品售價提升，直接令通脹加劇，咁簡單道理都唔明白。

　　今次美國只是禁止美國公司購買新疆產品，或者是新疆產品進入美國，其他國家可以購買新疆產品，換句話說，美國原本是制裁中國，變成美國自己不能夠購買新疆產品，變相是制裁自己，好似外交抵制冬奧一樣，只得幾個國家跟美國外交抵制冬奧，如果唔知道內情，一定以為中國政府制裁美國，唔准美國外交官員出席冬奧。