昨日有老友送了四隻八両重大閘蟹公蟹給我，剛巧老婆又買了八隻四両重公蟹，老婆問應該點做，我話先蒸兩隻八両，四隻四両，今次做小小實驗，睇吓兩隻四両重大閘蟹的膏會不會多過一隻八両重。
一向以來，香港人食大閘蟹以為愈大愈好，我當打時候，經常在天香樓食八両重的大閘蟹，當時每隻已經盛惠一千大元，有一次一個朋友失約，我攞了他的大閘蟹回家，順便買兩隻四両重，蒸熟之後，發覺兩隻四両重的蟹膏多過一隻八両重，而兩隻四両重都唔使二百元，自此之後，我食4-5両的大閘蟹，不食八両重的，因為大閘蟹去到八両重，蟹肉多了，蟹殼重了，蟹膏按比例，反而不及四両重的，但要俾多很多錢，在大通脹陰影下，精準消費是很重要。
