有老友話在高息債券輸了很多錢，但基金經理同佢講，有不少人輸得多過佢，所以，佢唔算輸，甚至是跑贏大市，聽完基金經理講，老友自我感覺良好。
我同老友講，投資是計自己荷包，唔好同別人比較，輸得少過別人只是心理上好過一些，不過，如果別人問我有冇輸高息債券，我會話輸到阿媽都唔認得，橫掂自己冇輸錢，俾人開心一下都唔緊要，這是賭仔心態。
如果問一個由剛剛由賭場行出來的賭仔戰績如何，十個有九個都話輸到頭痛，其實，有個別賭仔是沒有輸錢，只不過例牌答案是輸錢，很少會聽到賭仔話贏錢，與買高息債券一樣，不少頂級投資者都話輸了高息債券，但事實上並沒有太多人，只不過，一般人是喜歡聽別人輸錢，唔鍾意聽人講贏錢，因為，他們可以安慰下輸錢的人，什麼有賭未為輸，發揮一下同情心。
