今晚食飯時，老婆話香港失業率只有4.5%，如果通關，估計失業率會繼續下跌，但流英港人的失業率是81.5％，就算連兼職計算，失業率仍然有60%，但睇報紙，英國又唔係咁難搵工，有一些工種，例如貨車司機，基本上是缺人，正所謂馬死落地行，流英港人唔好咁執著，什麼也做住先，騎牛搵馬。
我其實亦對流英港人失業率有所懷疑，於是打電話俾英國老友問一問，原來，不少流英港人已經有工作，不是做貨車司機，而是在食品工廠做工，例如朱古力廠，不過就要返通宵更，有食品廠的通宵更差不多全部都是流英港人，但收入亦只是一般般，一向做文職的流英港人，一時未習慣對人講在工廠做工，寧願話未有工作，所以就得出一個81.5％失業率，其實是不多於50％，相信他們慢慢就習慣，在工廠做工亦不是見不光，點解唔夠膽同人講。
