昨晚食飯時，老婆話我早兩日寫了一篇文章，講及有很多年輕律師上法院時都是填紙仔，原來法院好似麻雀館，浴室一樣，是偏門地方，今日政府宣佈，從11月1日開始，進入政府大樓不接受填紙仔，一定要用安心出行，政府總算聽下市民意見。
我從來唔知道進入政府大樓可以填紙仔，而又有咁多公務員唔用安心出行，我真的不明白，去自己返工的地方都要填紙仔，究竟是什麼心態。
老婆問，今次政府態度咁強硬，又冇咨詢公務員團體，會不會被公務員團體反對，我認為不用擔心，俾個缸給他們做膽都唔敢反對，少少反對聲音都唔會有，所以，如果政府夠膽，很多政策都可以順利執行，政府怕人反對唔敢推行有利民生政策，倒頭來反而俾市民鬧政府做得唔好。
