台灣人非常樂觀

　　昨晚食飯時，老婆話佢班台灣大媽朋友話抵我在Facebook 俾人鬧，又俾人起底，台積電已經發表聲明，美國商務局在9月24日對台積電的26個問卷不是強迫性，可答可不答，台積電已經表明唔會泄露客戶資料，所以唔會回答，事情便告一段落，我無端端話台積電窮途末路，想唔俾人鬧都唔得，老婆問我有冇補充，既然台灣政府，台積電，台灣人都唔緊張，點解我要緊張，所以我話台灣人真的是很樂觀。

　　美國因為晶片短缺，所以要查台積電，韓三星，英特爾，其實主要是查台積電，估計韓三星與英特爾會在限期前交出數據，三家一比之下，台積電意圖隱瞞的証據成立，美國商務部部長雷蒙多話，她的工具箱有很多法寶可以令台積電交出數據，包括國防生產法，除非台灣人唔睇新聞，否則冇理由唔知道雷蒙多曾經講過這些說話，唯一可以解釋的就是太樂觀，不單止台灣人樂觀，台積電，台灣政府都非常樂觀，既然全台灣都咁開心，我又點好意思潑冷水，大家又睇睇11月8日，如果台積電唔交出機密資料，美國政府不會採取行動。