對付制裁的最好方法就是唔同佢玩

　　今早8:30在泳池旁邊見到一個鬼佬住客等開池，佢話唔敢偷雞，因為上星期早了20分鐘游水，在準備落水時受到工作人員警告，本來以為口頭警告，但昨日收到會所一封信，話如果佢再犯或者不遵守會所規則，就不准他使用會所設施，鬼佬當然唔開心，佢話當時他仍未落水，點解要警告佢，問我用什麼方法處理，我話退會是唯一方法。

　　鬼佬話點解咁大件事，我話問題是那封信，信中講明如果再犯，就會不准許會員使用會所設施，即使鬼佬遵守也沒有用，有一日，有一個工作人員話鬼佬冇戴口罩，會所就可以立刻停止鬼佬使用會所設施，已交的會費就不會退回，這是毫無保障，既然會所管理層有咁大權力，好似美國隨時可以制裁中國人，香港人一樣，我們的最佳辦法就是不在美國投資，所以退出會所，要求退回會費是最好辦法，否則在一個星期之後，會所出信俾鬼佬話佢冇戴口罩，停止鬼佬使用會所設施，所交的會費就付諸東流，鬼佬話一言驚醒，老實說，弱勢社群是知道怎樣對付強勢社群不合理制裁，唔同佢玩就是最好辦法。