月餅發霉點解要向傳媒投訴

　　昨日秘書同我講，今年收到的月餅，應該每位同事都有一盒，本來是唔夠，應該尚欠兩盒，剛好有兩盒名牌食肆月餅發霉，秘書打電話去食肆投訴，對方二話不說，各自答應立刻送來兩盒月餅，一盒是賠償，一盒是補償，月餅的問題解決了，我話理論上，應該仍然有客戶會送月餅到來，秘書話那些當大家的飯後甜品。

　　有老友話我秘書太蠢，應該通知傳媒而非向名牌食肆投訴，可能收到更多補償，我話唔知道那兩盒發霉月餅是幾時購買，如果超了食用限期，是不能向傳媒投訴，其實，對傳媒投訴只會搞大件事，對食肆投訴才會解決問題，不過，香港人很鐘意對傳媒投訴，尤其是追欠債，久而久之，傳媒變成一個追收欠債的機構，只要向傳媒投訴，報紙便會列出欠債人資料，令到一些知名度較高的人，即使欠債是生意糾紛，都會急急忙忙清還欠款，有人同我講，傳媒真的是好使好用，而且仲唔使支人工，投訴月餅發霉，值唔值得在報紙刊登。