昨晚我在書房寫稿時，老婆攞生果畀我，順便問我點解唔講下比特幣，繼薩爾瓦多之後，烏克蘭亦將比特幣做法定貨幣，有專家話比特幣到年尾會升到10萬美元，明年會去到17.5萬美元，值唔值得投資。
我話浪費時間，就算買比特幣都唔會買得多，一個起兩個止，就算賺10萬美元都唔夠100萬港元，所以講嚟做乜，如果要我講比特幣，不如叫我講大公司的高息債券，不少人問我那些債券值唔值得買，我話如果有足夠抵押品，借錢利息不高於2％，大公司點解要發高息債券，除了利息之外，仲要俾發行費，所以，我從來亦唔會叫人買高息債券，如果財經專家講比特幣，不如講下高息債券風險，已經唔知有幾多人輸到瞓街，因為比特幣輸得少，高息債券輸得多。
