今早回到公司，見一位同事嬲爆爆，原來同事每日返工，如果見到一位老嫗，就會給她10元，如是者已經兩三年，今日同事冇散紙，於是直行直過，誰不知老嫗追住他攞錢，知道冇又鬧同事，同事話相當黑。
原來不只同事黑，全公司都黑，老嫗唔知從那裏知道同事的工作地點，竟然走上公司追收10元，但又講到唔清唔楚，令到樓下管理處以為我們欠老嫗的錢，最後事件水落石出，但已經被那位老嫗煩了成個上午，我對其他同事講，以此為戒，千祈唔好以為做好人，而事實上長期資助會變成欠債，受害者反而是那位長期資助別人的人。
其實，美國亦有此煩惱，美國在外地駐軍，長期資助執政政府對付反政府的人，費用是很驚人，但從阿富汗撤軍來看，原阿富汗政府並沒有埋怨奪得政權的塔利班，畢竟是己方在人數方面大幅高於對手，軍備更加唔使講，比對手不知精良多少倍，而是埋怨美國點解要撤軍，是美國欠了他們，應該給予他們以難民身份去美國，美國應該明白，長期資助已經變成欠債，從世界各地撤軍的確不是那麼容易。
