早幾日老友請食飯，理由是一間名牌食肆給予他七折優惠，並且可以月結，唔食就笨，在食飯的時候，老友並且話星架坡已經給予特殊目的收購公司（SPAC）可以上市，香港又慢幾拍，金融中心的地位危危乎。
我同老友講，不是潑冷水，現在香港正在復甦，尤其是餐飲業，很多食肆根本訂唔到位，理論上無需給予優惠，仲話可以月結，除非生意很差，老友話我講得啱，其實他雖然去了幾次，但與食肆管理層不太熟，無需給他優惠，至於出品，的確未達水準，就算七折之後都覺得貴，即使餐飲業復甦，名牌食肆生意仍未達理想，所以給予客人優惠。
星架坡如果有足夠生意，就唔會搞什麼SPAC都可以上市，老實說，那些SPAC公司，十間都唔知道有冇一間可以正式上市，由此可見，星架坡證交所唔夠生意，才搞什麼SPAC 上市，間接暴露了自己弱點，老友話值得深思。
