消費券的確有助消費

　　一向替我剪頭髮的髮型師移民去了英國，他給我What's App，話生活得不錯，收入也不錯，只是有多少悶，這是我聽到移民去了英國的人一個最好消息，其他移民大多數日日去公園打咭，另外還有一項職業去到英國仍然可以生存，不是物業代理，而是做裝修工作，不過在英國做裝修與香港不同，工作時間很緊湊，而且唔能夠好似在香港一樣臨完工的時候加價，否則一定會被人告到甩褲，一處鄉村一處例，大家知道就好。

　　移民去了英國的髮型師問我有冇搵到一個好師傅，我話搵了幾個月，卒之搵到一個，不過價錢唔平，要一千元一次，但自從政府推出消費券之後，替我剪髮的師傅做到唔停手，他收得貴但亦做足功夫，每次大約45分鐘，客人大多數用八達通付款，搵到食，晚上又會搵朋友出去食一餐，由此可見，政府的消費券的確有助消費。