昨晚老婆話食海鮮叻沙，問我有冇意見，如果一個男人唔想家嘈屋閉，一定會話冇意見，老婆好大陣仗，搞了一個下午，到晚上食叻沙時，佢話與正式叻沙有少少分別，老婆話少少就是少少，老婆如果冇講，就是有很大分別。
我亦有不少星架坡、馬來西亞朋友，但冇教我怎樣煮叻沙，不過，我求學精神強勁，好快搵到煮叻沙方法，老婆話剛煮的叻沙冇味道，我叫老婆離開廚房一陣，不超過十分鐘，再試試我的叻沙有什麼不同，十分鍾之後，老婆試了我煮的叻沙，佢話冇得頂，問我加了什麼，我話什麼也沒有，只是用心去煮，老婆話睬我都儍，如果不是有秘方，私人煮的叻沙又點會咁好食，至於秘方是什麼，唔好講俾其他人知道是花生醬。
