大約一個星期前，有一個話一定唔會接種疫苗的老友話，如果我搵到一個理由能夠令到佢去打疫苗，除了打疫苗之外，還請多幾個老友食飯，重賞之下，我的靈感又到來，我睇到台灣對疫情束手無策，不足一個月，無論確診或者死亡人數都超過香港，根據台灣電視評論員所講，台灣高端醫療準備生產的疫苗，已經不足以抵抗在台灣肆虐的病毒，一定要用復必泰或者莫德納，換句話說，病毒已經進化，所以，疫苗亦要進化。
如果今日唔打疫苗，再過一段時間，病毒又進化到下一階段，疫苗同樣進化，到那時候才打第一劑疫苗，接種的人可能頂唔順，所以，現在應該打第一劑疫苗，無論是科興，復必泰，甚至AZ都好，幾個月之後，可能要打進化版的疫苗，如果今日唔打第一劑，到時可能有危險，老實說，我只是危言聳聽，沒有真憑實據，老友聽完之後冇表示，今日打電話俾我，話已經約了幾個朋友 食飯，叫我唔好唔到。
