昨晚在食晚飯時，老婆問我是否認識劏場大王，我話有數面之緣，不過，道不同不相為謀，沒有交往，老婆話好彩，原來劏場大王因蔵毒而被檢控，不過老婆話不明白，既然我們兩人都是做地產生意，點解我會話道不同不相為謀，其實劏場嚴格來說不算是地產生意，應該算是批發零售，如果一定要話是地產生意，只能說是地產行業的偏門，現在已經很少人做劏場生意。
不少曾經買過商場舖的人都有此經驗，就是十年八年前以幾百萬買入一個商場舖，現在可能只值十分一，得返一半已經是很本事，現在賣又唔係，唔賣又唔係，老婆話點解我唔撰文警告那些打算買商場舖的人，我話冇用，那些人的心態是不到黃河心不死，叫都冇用，他們唔會聽，不過，當他們買過商場舖之後，嘗過了苦頭，任何人叫他們都唔會再買商場舖，就算老豆都冇情講，我實在毋須做醜人。
我最唔明白那些拆場劏場的人，好好地一個商場，點解要拆到變成廢墟，就算有錢賺都唔安樂。
