一人確診，同住家人只有三分一走得甩

　　有一個一向強力反對打疫苗的老友，今日全家4個人一起去打疫苗，打完之後仲買蛋糕到公司吹水，我問點解要一家人一起打疫苗，原來他們睇到17歲確診少女單新聞，他們亦是一家四口，同樣不主張打疫苗，結果是17歲少女確診之後，她的媽媽及家姐亦確診，只有他的老豆走得甩，令到我誤會老豆靜雞雞去了打疫苗，我話沒有誤會，我是不確定，所以我話可能，是睇文章的人可能睇唔到可能。

　　老友兩個女兒先行離開，老友話同我講真心話，他一向主張打疫苗，但是兩個女兒不同意，老婆亦企在女兒那一邊，他是迫於無奈反對打疫苗，17歲少女出事，雖然她的父親沒有打疫苗，亦沒有確診，而事實上一家人同住，只要有一個人確診，其他人只有三分一機會走得甩，這亦是很正常，因為家人同飲同食，可能冇用公筷，而在家裡一定不會戴口罩，確診的機會很大，佢兩個女唔係蠢，雖然唔鍾意政府，亦唔會攞自己條命來較飛，總之記著，家裡有一個人確診，其他人只有三分一機會走得甩，點解唔打疫苗。