今晚食飯時，老婆話有一個大媽朋友替她的兒子買樓，仲對傳媒話full paid，不用借錢，佢個仔在售樓部俾人話耀武揚威，大媽唔明白，又唔係打交，點解會話佢個仔耀武揚威。
我話大媽搞錯，不是耀武揚威，而是耀母揚威，個仔有阿媽幫手買樓，仲唔係耀母揚威，不過，耀母揚威大多數是好事，因為阿媽的是閒錢，是平時打釜頭收埋的錢，銀行又唔會借錢俾阿媽，所以多數會full paid，就算樓價下跌，只要個仔唔將層樓攞去問大耳窿借錢，就怎樣下跌都唔會有問題，否則，將層樓去當，然後買比特幣，就有個金山都會輸死。
老婆問，如果由老豆幫個仔買樓是不是好事，好唔好我唔知，幫個仔買樓即是父幹，父幹即苦幹，聽個名都知道唔好。
