只要高校有啲級數，大學畢業掛職做村官好易。
依家大陸山區同以前好唔同，尤其廣東啲山區，第一，手機有訊號，第二，有電，第三，高速公路無遠忽屆，只要識揸車，根本唔係受苦。
以前喺山區有樣嘢衰，就係就算有商店，賣啲嘢好低質，依家唔怕，淘寶加快遞，咩都有，如果太山旮旯快遞唔送，可以揾最近嘅豐巢、蜜蜂箱、菜鳥、快遞超市之類代收。
商店低質，但係買餸就非常高質，菜蔬好多都係自家菜，唔係農場菜，農副產品又多，食過野生黃鱔就知道平時食開嘅唔係路，散養走地雞，唔使名唔名種，街市買到嘅文昌雞清遠雞湛江雞鬍鬚雞嘉美雞，一概唔係對手。仲有豬，豬餵草完勝餵餿水，自家養幾隻果啲，城市裡面未必買得到。
講到尾，一個人肯鍛煉自己，幾時都係好事，香港人去做村官，一定要買定間大灣區嘅屋，一下住慣咗大陸，有間大屋方便好多。
好去山區工