星期六，有老友到公司吹水，老友話投行建議大家賣恒生，買匯豐，問我意見。
我對老友講，我對匯豐是有偏愛，跌到30元我都照買，但今次我唔同意投行所講賣恒生，買匯豐，理由很簡單，恒生最近股價大跌，原因是撥備太多，那些撥備的危險性不高，一兩年就要撥返轉頭，到時候就會做成盈利大增，股價想唔升都難。
我唔講有不少人都知道，近日call loan call得最急的銀行，恒生一定在其中，如果被call loan的客戶還唔到錢，銀
行就會將客戶資產轉去撥備房，做成撥備大幅增加，銀行與客戶商討如何解決問題，最直接粗暴方法就是要求客戶賣走部分物業清還貸款，所以，近期大家見到有一些老牌家族或者老字號，將他們的自住／自用物業賣走，當問題解決，銀行並沒有損失，之前所做的撥備就要回撥，有回撥就是好消息，有利股價，點解唔買。
投行可能睇到撥備已經驚了，他們擔心今日的撥備可能只是部份壞帳，今年撥，明年又要撥，所以，建議賣恒生，而匯豐的撥備正常，明年未必需要撥備，就算要都唔會太多，買匯豐亦是一個不錯的選擇。
關鍵就是銀行的撥備有冇足夠抵押品，如果有，那些撥備是不會出現壞帳，如果冇，當然是銀行責任，點解可以放咁多無抵押貸款。
有人唔明白，既然有抵押，點解貸款會淪落去到撥備房，其實，這只是程序問題，銀行認為樓價下跌，向客戶追加差額，客戶俾唔到，抵押品就會淪落去到撥備房，其實，不少貸款有多一倍價值的抵押品擔保，入撥備房只是一個流程，不會變成壞帳，銀行是不會有損失，唔理解內情而將股票賣走的人才會有所損失。
行就會將客戶資產轉去撥備房，做成撥備大幅增加，銀行與客戶商討如何解決問題，最直接粗暴方法就是要求客戶賣走部分物業清還貸款，所以，近期大家見到有一些老牌家族或者老字號，將他們的自住／自用物業賣走，當問題解決，銀行並沒有損失，之前所做的撥備就要回撥，有回撥就是好消息，有利股價，點解唔買。